UN ANO DE CONVERSAS

O pasado mes de Abril cumplíuse o cabodano das Conversas Galegas na Coruña, unha iniciativa das moitas (blogs, plataformas, páxinas web, ecolingua, achegarte, publicacións, etc etc) que xurdiron nos últimos tempos como reivindicación en positivo da nosa língua e da nosa cultura. Unha iniciativa dun grupo de rapaces da Coruña có obxectivo de favorecer o uso do galego, demostrar a súa utilidade social, rachar barreiras emocionais que impiden aínda moitas veces o seu uso público na Coruña e fomentar entre os falantes de galego que se incorporen, así como entre os neofalantes, optimismo e reafirmación.

Desde aqui vos convidamos novamente a aqueles que vivades na Coruña a pasarvos polo bar Matthews (Praza da Galera, A Coruña) todos os sábados a partir das 18:30, como xa facemos moitos habitualmente. E aos que vivades noutras vilas, especialmente naquelas onde parece que máis custa que o galego saia á rúa, invitarvos a que deseñedes as vosas propias iniciativas, como esta das conversas ou calquer outra que queirades compartir con nós, polo ben da nosa cultura.

Unha de tantas conversas galegas n'A Coruña.
Fonte: conversasgalegas.blogspot.com

E como os aniversarios de nosquedaportugal e alemdominho están tamén xa moi próximos, e como circula pola rede outra iniciativa que tanto a Diego (Conversas galegas) como a David (Caralladas, isto é, eu) nos parece moi interesante, pois xa estamos argallando a nosa próxima 'falcatruada' conxunta.

Xa vos iremos contando...

RIO CÁVADO: NO ATLÁNTICO

- primeira parte: río Cávado
- segunda parte: Montalegre
- terceira parte: Gerês
- cuarta parte: Barcelos

E adicamos por último un breve capítulo có que remataremos a nosa viaxe polo río Cávado á súa chegada ó Atlántico na foz de Esposende.

Junto da Marina. Rio Cávado, Esposende.
Fonte: www.panoramio.com

O Cávado remata a súa viaxe serenamente formando unha pequena ría de augas calmas xunto á vila de Esposende, 'um privilégio da natureza' que foi no seu tempo fortemente influenciado nos seus chalets estilo Arte Nova polo gusto brasileiro dos que tornaban ricos de alá, e que hoxe é destino turístico para as xentes do Porto que queren desfrutar duns días de descanso sen sofrer o rebumbio que se achega ata a Praia Redondela de Poboa de Varzim.

Monumento ao Homem do Mar. Esposende.
Fonte propia.

As praias ao norte, entre Esposende e Viana do Castelo, constitúen parte do Parque Natural do Litoral Norte, unha área protexida chea de piñeirais e dunas que para os amantes da natureza e dos (cada vez menos) espazos marinos non estragados pola man do home é un lugar de obrigada visita. Eu dou fe da miña coa segunda fotografía que se publica de Caralladas neste blog...

Caralladas na fin do mundo (ou case).
Praias do Parque Natural do Litoral Norte. Fonte propia.

Mais non todo ía ser calma. Aquel día (hai xa bastantes meses, debeu ser a finais do pasado verán) a maior parte das vilas portuguesas estaban de festas e romarías varias. Cando chegamos a Viana do Castelo foinos caseque imposible entrar, e ata a vila máis pequena (coido que a da seguinte foto pode ser Mar, a carón de Esposende) estaba de celebración.

Portugal de Romaria. Fonte propia.

A estas alturas aínda non decidin se a casa que algún día mercarei en Portugal estará na Barragem da Caniçada ou á beira da Foz de Esposende. O que si teño claro é que será a carón do rio Cávado. Claro que tamén ten razón algún lector de nosquedaportugal cando nos recomendaba visitar as Açores e Madeira... Está claro, ata que non coñeza todo Portugal, mellor non firmar a hipoteca!

A nosa viaxe aquel día rematou en Viana...

Viana do Castelo desde Santa Luzia
Fonte propia

... pero esa será outra historia, á beira do rio Lima, que igual contamos outravolta.


------------------

Máis información:
- Páxina de turismo: www.visitesposende.com
- www.esposende.com.pt
- Cámara Municipal de Esposende: www.cm-esposende.pt
- Parque Natural do Litoral Norte: www.visitportugal.com

MALA PINTA TEN

Que mala pinta ten isto.

A este paso vou ter que cambiarlle o nome ó blog polo de 'xanonnosquedaninportugal'.

Non tapes, que xa o sabe todo o mundo.
Fonte: dn.sapo.pt

O peor é o pánico que está a provocar no mercado, síntoma de que Portugal está no punto de mira dos especuladores, o que pode ser anticipo de cousas peores. Como explican no audio nesta segunta ligazón, pensar que Portugal pode ter máis risco de default (impago) que a maioria dos paises de América Latina ou moitas dictaduras (Grecia, por exemplo, paga maiores diferenciais de débeda hoxendía que Iraq) semella absurdo, pero xa sabemos que 'el mercado nunca se equivoca'.

De momento Passos Coelho, lider da oposición, reclama unha reunión de urxencia có Primeiro Ministro Sócrates. Agardemos que sexa para buscar solucións de consenso e non para sacar peito do mal que van as cousas, como fan por outros lares.