DILMA PRESIDENTE DO BRASIL

Com o 97% dos votos apurados fica confirmado: Dilma Rousseff sucessora de Lula, primeira mulher presidente do Brasil com o 55% dos votos.

Assim a maior economía e de maior crescimento da última década na América Latina continuará a ser dirigida pelas mesmas medidas económicas de esquerdas do governo do PT de Lula da Silva.

Parabens.


Fonte da ilustração: http://oglobo.globo.com/pais/eleicoes2010/apuracao/

24 HORAS GALEGO FULLSCREEN

Ale, xa se pode dicir: temos a Luis Tosar, María Bouzas, Pico e Enma Lustres como xurado do concurso apadriñado por GalegoLab e Eufalo.tv, '24 horas galego fullscreen'. Eiqui as bases do concurso.


Amplíase o prazo de recepción de videos ata o 30 de novembro. Tedes que gravar un día calquera da vosa vida en galego, resumilo nun video de 5 minutos e envialo a eufalo.tv. O premio para o gañador elexido polo xurado: 300 euros.


Animádevos a participar!!

O QUE SOBROU DO CEU

Hoje um pouco de música brasileira, mais de muita atualidade. Uma canção do grupo de reagge - MPB 'O Rappa' com Maria Rita (a filha de Elis Regina) como artista invitada. "O que sobrou do ceu".

Uma recomendação do Andrey. Ta muito bom!!

ESTUDANDO AO INIMIGO

Era Michael Corleone quen dicía aquelo de "ten sempre ben cerca aos teus amigos, pero moito máis cerca aos teus inimigos". Hoxe o xornal nacionalista e monárquico español ABC adica un especial ao 'Estado imposible: En el pais de las maravillas', un alegato básicamente en defensa de que o Estado das Autonomías é un luxo que non nos podemos permitir, e adicandolle a Galiza perlas como "Galicia era una de las más hermosas regiones españolas. Ahora ha ascendido a la categoría de nación. Una nación se hace lo mismo que cualquier otra cosa. Es cuestión de quince años y un millón de pesetas".

Das deputacións, corrupción urbanística dos concellos ou as fundacións público - privadas que tanto lle gustan á dereita, nin papa. E o cadro que acompaña a noticia, simplemente absurdo. Cunha liña ascendente (a do PIB, e polo tanto o do custo da administración pública) pretenden demostrar que as autonomías son un luxo. Pois vaites home, rara forma de demostralo cunha gráfica onde ocúltanse os datos entre 1977 a 1995, e onde a partir de 1995 (cós datos que eles mesmos aportan) o peso das administracións públicas pasan do 47% en 1995 ao 41% en 2008.

Recomendo a súa lectura íntegra para que nos vaiamos facendo á idea do que nos espera os vindeiros anos. Dixen ben, anos. E se cadra quedeime algo curto.

DOBRE PASO ATRÁS DA EURORREXIÓN

Déixovos por unha banda unhas declaracións do Secretario Xeral do Eixo Atlântico, Xoán V. Mao (entrevistado para nosquedaportugal hai uns meses), sobre a recente implantación da peaxe nas autovías do Norte de Portugal.

(Extraído da web da RTP via domelhor.net)

E por outra banda, hai un mes confirmouse o que xa nos adiantara Mao meses atrás, que a Xunta de Galicia estaba procurando o xeito de partillarmos unha macrorrexión europea con esa emerxente potencia económica mundial chamada Soria. Unha burda manobra política para que o control dos fondos europeos pase a mans do Partido Popular: as macrorrexións están representadas a nivel rexional, onde goberna o PP en 2 de 3; mentras, a Eurorrexión actualmente dinamizada polo Eixo Atlântico está en mans de PSOE e socialistas portugueses, ao estar representado a nivel de concellos e freguesías.

Un dobre paso atrás para a Eurorrexión Galiza - Norte de Portugal do que espero sacar tempo para facer unha análise máis polo miúdo nas vindeiras semanas e compartilo con vós.

SINESTESIA

Cartaz do filme 'Rain man'

Habitualmente (vaia, eu diría que ata agora no 100% dos casos) os artigos que publico en nosquedaportugal están centrados en calquer cousa que teña que ver sobre Galiza (economía, sociedade, língua, cultura, música, historia, actualidade...) e coa Lusofonía, preferentemente Brasil e Portugal. Ben, pois hoxe vai ser a primeira excepción á regla... aínda que sempre hai xeito de relacionalo coa temática do blog, como logo se verá.

O video a continuación mostra un documental sobre Daniel Tammet, un superdotado que padece o 'sindrome de Savant' polo cal é capaz de facer os cálculos matemáticos máis sorprendentes ou aprender islandés nunha semana. O máis fascinante de todo é que, a diferencia da maioría dos casos similares ao de Daniel (como o caso real que inspirou o filme 'Rain Man', persoa que tamén podedes ver uns minutos neste video), Tammet conseguiu mitigar o autismo que xeralmente vai asociado a este tipo de sindromes. Por iso é un caso de incuestionable valor para os científicos, que non chegan a comprender que Daniel realmente non realiza os cálculos matemáticos, senón que describe os 'paisaxes', as 'formas' ou as 'sensacións' de placer ou desacougo que os números provocan na súa mente. Sinestesia é o nome que recibe esa experiencia de asociar números con formas ou sensacións.

O video dura 50 minutos, pero paga a pena cada un deles. Eiqui en inglés...



...podedes escoitalo en castelán en cajadelostrastos.

A lectura para nosquedaportugal? Os últimos minutos do video podedes ver que parte do experimento foi levar a Daniel a Islandia, e comprobar se era capaz en só 7 días de aprender o islandés (lingua que só falan menos persoas que as que habitan na Coruña, e acreditadamente un dos máis complicados de aprender que hai). Pois ben, por suposto Daniel foi capaz de aprendelo (e ser entrevistado na TV islandesa para demostralo), pero ahi podemos escoitar a un dos abraiados presentadores comentar: "os islandeses sentimonos moi orgullosos do noso idioma, e que alguén sexa capaz de aprendelo en só unha semana é estupendo".

Repito, hai 300.000 falantes de islandés no mundo. Creo que todos sabedes onde quero chegar.

LA CORUÑA, 'AL GUSTO DEL CONSUMIDOR'

Acabo de decatarme que non publiquei no blog o (pen)último artigo no Xornal, así que aproveitando que hoxe falo de 'La Coruña' e demáis tocada-de-webos do neofranquismo español que tan subidiño nos anda ás barbas últimamente, publico eiqui os dous.

Como sempre, eiqui nos títulos orixinais (habitualmente publicados como tal no xornal en papel)

'Al gusto del consumidor'.



Por certo, sobre o neofranquismo que nos invade leva uns cantos días escribindo Fermín Bouza (eiqui o último post, 'la que se nos viene encima'). O certo é que algúns 'argumentos' que hai que aturar polos medios de comunicación-adoctrinamento de sempre son realmente alucinantes, pero nos (eu) somos máis xóvenes e relativizamos estas sandeces. En cambio, xente como Bouza e outros (que tiveron que aturar esta mesma escoura en anos cando dicir cousas como as que digo eu neste blog serían motivo suficiente para ir á cadea ou recibir unha somanta de hostias que che deixase na cuneta) é lóxico entender o arrepío que lles produce. Non deixedes de seguir a Bouza estes días, paga moito a pena, como de costume.


E finalmente, o artigo de hai unhas semanas, sobre o fiasco do (excelente) concerto MTV Galicia 2010.

Gratuidade eficiente, gratuidade ineficiente

TROPA DE ELITE 2

Acaba de ser estreada no Brasil este pasado venres 'Tropa de Elite 2', continuación da magnífica película dirixida hai 3 anos por José Padilha e gañadora do Oso de ouro do Festival de Berlín 2008.




Xa veremos o que tarda en ser estreada por estes lares... pero de seguro pagará a pena a espera: conta có mesmo reparto da primeira entrega (Wagner Moura, André Ramiro, Maria Ribeiro...) máis Seu Jorge (Cidade de Deus, Casa de areia) no papel de Beirada, dirixente dunha revolta nun penal brasileiro, e as críticas veñenlle xa ben positivas (ler por exemplo blog amalgama).

Os que vichedes a primeira parte xa vos empeza a tardar en ser estreada, non si...?

FRIOL, 1979

Impagable documento o recollido esta semana no blog terrasdefriol.blogspot.com. A vida duns rapaces nunha aldea galega (pareceume ver a Balbino no video?), aló polo ano 1979, emitido daquela por RTVE. Son o único que pensa que ese país xa non existe? Moito mudamos, xa o dixen noutra ocasión... o sorprendente é que teñamos mudado tanto en tan pouco tempo.

'Unha cápsula de tempo da Galiza de fins dos anos 70' a define Diego, que nos envía a ligazón.

"Hai partes que poden lembrar algunhas cousas da vosa infancia. Eu, por exemplo, lembro que tiña mestras moi parecidas cando era máis pequeno (afortunadamente deixei de telas), e que a xente falaba o castelán moito peor (agora iso é o que pasa co galego, e aínda hai castelanfalantes que se queixan). Os que sodes de zonas rurais veredes que moitas cousas poden ser doutro xeito, outras igual non. Ante todo hai unha cousa que me incomoda do vídeo e rápido o descubriredes: TVE, igual que fai agora, describe unha Galicia na que se sabe que se fala galego, pero pouco se demostra (e, pola contra, nese video a maioría serían galegofalantes). En calquera caso, unha cápsula do tempo da Galiza de fins dos anos 70".

Grazas a Diego, e ao blog terrasdefriol.blogspot.com por ter subido o video á rede.

GUIA PARA AS ELECCIÓNS NO BRASIL

Hoxe é xornada electoral á Presidencia do Brasil. Estes son os datos esenciais para seguir e entender as eleccións brasileiras:

• Cada elector(a) debe escoller cinco candidatas(os): Presidencia da República, Senado Federal, Cámara dos Deputados, Gobernador(a) estadual e Parlamento estadual.
• Vótase en urnas electrónicas, polo que o escrutinio de resultados é moi veloz. Comezarán a ser divulgados a partir das 21h. de Galiza, e dúas horas despois xa deben coñecerse resultados ben definidos.
• Para seguir os resultados en tempo real, é preciso instalar un aplicativo Java disponible neste enderezo ou seguir as noticias dos múltiplos xornais e blogs que farán unha cobertura online. Nós recomendamos o seguimento do equipo 48h. democracia.
• Análises intelixentes desde a esquerda brasileira, en revistas como Carta Capital ou en blogs como o do Paulo Henrique Amorim.

----------------

Extraído do blog renovarobng. Podes ler artigo completo e + información en
http://renovarobng.blogaliza.org/eleccion-historica-no-brasil