31/07/10

RAMÓN VILAR (VIEIROS) EN DIARIO PÚBLICO

Agora que se está a traballar na 'resurrección' de Chuza, habería que plantexarse que con xente tan capaz como Ramón Vilar ou moitos outros que fixeron posible o xornal 'Vieiros' estes quince anos, o peche do xornal decano da prensa galega en internet só pode ser unha paréntese.

www.publico.es/televisionygente/vieiros/ramon/vilar

Quizáis o que hai que plantexar é rematarmos coa nosa tradicional querencia polos minifundios, de leiras, de empresas, de xornais... pero tamén mental.

28/07/10

CHUZA(R)

Xa temos chuza: http://chuzar.gl/

Grazas á vontade do colectivo de usuarios de Chuza, en só 48 horas demos volta a un dos golpes que o galego na rede recibiu a pasada findesemana. Parabéns a todos os internautas en galego.

Agora só me queda preguntar(nos) porque os galegos cando nos apretan os webos reaximos e demostramos ter iniciativa, e cando non, en vez de traballar en conxunto e montar emprendimentos que saquen este país adiante, adicámonos a tirarnos os trastos á cabeza os uns ós outros e discutir parvadas.

----------------------------------------------

Estas 48 horas sen chuza realmente foron unha benzón: os usuarios do site de novas en galego acordamos que, mentras non dispuxeramos dun novo chuza, utilizariamos o site de novas português doMelhor.net. O resultado foi que por fin -como dixera Fagim na nosa conversa hai unhas semanas- galegos e portugueses (e brasileiros, que supoñen máis do 50% das visitas do site) empezamos a comunicar.

Agora que voltamos ter rede propia, non podemos deixar que pasen outros 500 anos vivindo de costas. Portugueses, brasileiros e galegos: usemos as dúas redes!!

26/07/10

PESCADERIA VELLA

Pero en que carallo de país vivimos?????

www.elpais.com/policia/amenaza/andaluza/usar/gallego/

"en la noche del sábado, en plenas fiestas del Apóstol, una periodista de EL PAÍS, andaluza, preguntó a una señora por dónde tenía que ir usando el nombre oficial del lugar, en gallego. Lo hizo al lado de un grupo de independentistas que se concentraban pacíficamente, rodeados por decenas de agentes de la Policía Nacional. Un antidisturbio la agarró del brazo: "Aquí no hay nada que se llame Pescadería Vella, se llama Pescadería Vieja. Tú, que eres de fuera, deberías saberlo", le reprendió. Acto seguido le espetó: "Corre, no vaya a ser que te demos unas hostias".

25/07/10

HAI UN MINUTO MORREU CHUZA

E onte Vieiros.

Esto non pode quedar así, xente.

23/07/10

UNHA NACIÓN DE 500 ANOS?

Imprescindible o artigo de onte do Catedrático de Historia Xosé Mª Lema en Xornal de Galicia: unha nación de 500 anos? Ler un pouquiño de historia é fundamental para saber quen somos (ou como lle di unha persoa en comentarios: "Sr. Feijoo: estudie Historia antes de decir parvadas").


Nota: Dende hai un par de días tedes tamén, á dereita do blog, a 'revista de prensa' cós artigos de interese que vou compartindo no googlereader.

22/07/10

GABILONDO EN CNN+


Gabilondo en CNN+: "La doctrina que nos arrastró al abismo nos ha impuesto su ley: vivimos en una dictadura, una dictadura disfrazada de democracia, pero una dictadura. Se ha decretado un modelo obligatorio de gobernación. La socialdemocracia ha quedado prohibida de facto: se le permite gobernar, claro, pero sólo si lo hace renunciando a sus puntos de vista. Qué hacemos? Aceptamos sin reparos esta dictadura? Para la izquierda es decisivo: o descubre su papel en esta nueva realidad, o está condenada a marchitarse y desdibujarse".





Non vin este video ata hoxe (Vía Colazo). Botoulle un par de webos Gabilondo, pero dixo verdades coma puños.

20/07/10

PEDAGOXÍA FISCAL


O meu artigo hai dez días para Xornal de Galicia

Pedagoxía fiscal


Non sei por que puxeron títulos diferentes nas versións en internet e en papel, que é a que eu lles enviei. Seguimos off-line (pero moi, moi atarefados...) ata setembro.

Pedagoxía fiscal


A segunda das eivas do sistema económico internacional causante dos desequilibrios que conduciron a actual crise é a ausencia de regulación común no libre movemento de capitais. Como non é un tema moi asequible para os non iniciados, tentarei expoñelo con altas doses de pedagoxía, para que poidades chegar ás vosas propias conclusións.

Supoñamos que dispós dun millón de euros. Nas túas mans terías a posibilidade de axudarnos a saír da crise investindo nun novo proxecto empresarial que xere traballo e riqueza para o país. O problema é en primeiro lugar, que segundo o Banco Mundial e o Foro de Davos, España é o Estado da OCDE que máis trabas e trámites burocráticos require para abrir unha empresa. Peor que Albania, Afganistán ou Zimbawe, por exemplo. E en segundo lugar, se tes sorte e consigues que a túa empresa teña éxito, tributarás no Imposto de Sociedades con carácter xeral o 30% das plusvalías.

Hai outra opción. Acudir a un banco –ou máis sinxelo, a través do internet– e apretando una soa tecla, mercar unha carteira de accións en bolsa. É moito máis cómodo, de xeito case automático e sen traba algunha. E ademáis, se tes sorte e consigues que a túa ‘empresa’ teña éxito, tributarás no IRPF con carácter xeral o 19% das plusvalías, ou o 1% se dispós dos 2,4 millóns de euros necesarios para constituires unha SICAV.

A maioría elexirá a segunda alternativa. O problema é que esta opción é precisamente a que non xera riqueza nin postos de traballo. Cando unha empresa sae por primeira vez a bolsa ou realiza unha ampliación de capital, está a procurar financiamento para a realización de novos investimentos que si xeran riqueza. Pero unha vez conseguido dito financiamento, as novas accións comezan a cotizar nos mercados secundarios pasando dunhas mans a outras sen ningún efecto real sobre a economía.

O ideal sería que os investimentos produtivos (montar unha empresa) tiveran poucas trabas e un tipo impositivo máis baixo que a especulación financeira. Necesitamos investimentos que xeneren emprego! A función da regulación é precisamente correxir as decisións –perxudiciais para o conxunto da sociedade– que cada un de nós tomaría en ausencia de regulación buscando o seu único beneficio persoal.

Entón, por que non subimos os impostos á especulación financeira? Porque aceptamos vivir nun mundo con total liberdade de movementos de capital entre –sorprendentemente– áreas económicas con moi distintas tributacións, regulacións e niveis de transparencia fiscal. “Se subides os impostos ás SICAVs –ameazan– dámoslle a unha tecla e levámolas para Luxemburgo”. É inadmisible xogar ao mesmo xogo –a globalización– con reglas distintas para cada participante. Modificar esta situación require unha acción concertada a nivel internacional para elevar o tipo impositivo ás plusvalías do capital en todos os países, levantar segredos bancarios, prohibir os paraísos fiscais (ou marxinar económicamente aos países que os auspician), etc.

Farase? Dubídoo moito. Moito máis cando vemos como admitimos a liberdade total do capital nun mundo que prohibe o mesmo trato ás persoas, trantando ós seres humanos como ‘excedentes’ (velaí a lei migratoria en Arizona, por exemplo). O noso mundo non vive unha crise económica ou financeira. Vive unha crise de valores. E moi severa.

04/07/10

Ó RALENTÍ ATA SETEMBRO

Internet é un deporte de inverno. Quizais non tanto, pero desde logo, non se lle da moi ben o vrao.

Eu despois de máis dun ano seguido tamén vou pedindo unha paradinha, así que durante un par de meses non publicaremos, ou como moito se cadra non máis que para facer algún apuntamento interesante.

Como por exemplo, esta conversa que publican hoxe en Xornal có pai de Manu Chao: "É curioso, entrei en Radio France porque falaba galego. Atopara un anuncio no que solicitaban un colaborador que soubese español, portugués e música, para ser ilustrador sonoro das emisións. Ao falar ben o galego dixen que era portugués, e entrei sen problemas".

Parécese moito á miña historia persoal que xa contei aqui, e que esperemos, con cousas como esta, vaiamos perdendo o noso habitual complexo de inferioridade.

Ata setembro.