CHUZA(R)

Xa temos chuza: http://chuzar.gl/

Grazas á vontade do colectivo de usuarios de Chuza, en só 48 horas demos volta a un dos golpes que o galego na rede recibiu a pasada findesemana. Parabéns a todos os internautas en galego.

Agora só me queda preguntar(nos) porque os galegos cando nos apretan os webos reaximos e demostramos ter iniciativa, e cando non, en vez de traballar en conxunto e montar emprendimentos que saquen este país adiante, adicámonos a tirarnos os trastos á cabeza os uns ós outros e discutir parvadas.

----------------------------------------------

Estas 48 horas sen chuza realmente foron unha benzón: os usuarios do site de novas en galego acordamos que, mentras non dispuxeramos dun novo chuza, utilizariamos o site de novas português doMelhor.net. O resultado foi que por fin -como dixera Fagim na nosa conversa hai unhas semanas- galegos e portugueses (e brasileiros, que supoñen máis do 50% das visitas do site) empezamos a comunicar.

Agora que voltamos ter rede propia, non podemos deixar que pasen outros 500 anos vivindo de costas. Portugueses, brasileiros e galegos: usemos as dúas redes!!

HAI UN MINUTO MORREU CHUZA

E onte Vieiros.

Esto non pode quedar así, xente.

VOLTAMOS DE CONTADO

Fáiseme raro non ver o blog actualizado en máis de 3 días, é algo que tentei que non acontecera máis que cando collín pequenos recesos (nadal, semana santa...) pero últimamente os proxectos son tantos e por traballo e outros temas o tempo libre é tan pouco, que conseguiron recordarme que nosquedaportugal non é máis que un 'hobby' e cando non se pode, non se pode.

O parón tamén se leva notando un pouco nas visitas, todo apunta a que abril será un mes frouxiño, pero supoño que non é un caso único. Estase notando en moitas páxinas e blogs un pequeno parón, que non sei se achacar un pouco á saturación, levamos meses falando da crise, o desgoverno na Xunta, os ataques á lingua, as caixas, o sistema xudicial... e todo cansa. Non hai máis que ver os datos estatísticos do chuza, que leva un 2010 máis ben frouxiño:

páxinas descargadas e visitas únicas a www.chuza.gl
datos semanais desde o 1 de xaneiro de 2009
fonte: http://my8.statcounter.com

En calquer caso son moitas as cousas das que quero falar que espero permitan recuperar o pulo do blog nas vindeiras semanas, en primeiro lugar da recente enquisa do CIS sobre o galego que nos veu confirmar o que xa sabiamos, e malia iso semella que foi quen de reinstaurar a desesperanza entre as filas galeguistas. Ou rematar a nosa viaxe polo río Cávado, ensinarvos o video que grabei na fervenza do Ézaro, o aniversário da Revolução dos Cravos, que xa está a volta da vindeira semana, etc. etc.

Teremos tempo pra eses temas proximamente, pero hoxe non quixera perder a oportunidade de lembrar a situación pola que están a atravesar os dous traballadores gravemente feridos na factoría de Repsol na Coruña, agardar pola súa pronta melloría i enviar unha mensaxe de apoio e ánimo ás súas familias neste mal momento que están a pasar, especialmente a Jose Luis, compañeiro meu de traballo e a quen lle tocou sofrer esta desgraza moi de perto na súa familia. Moito ánimo.